Narx alertlari va watchlist: bozorni kun bo'yi kuzatmasdan

AQSh bozorining asosiy seansi Toshkent vaqti bilan kechqurun boshlanib, tunda tugaydi. Ish, oila va uyqu bilan buni kun bo'yi kuzatib bo'lmaydi — va kerak ham emas. Ikki oddiy vosita yetarli: watchlist (nimani kuzatayotganingiz) va narx alerti (qachon qarash kerakligi). Quyida ular limitup'da qanday ishlashini, cheklovlari bilan birga, ko'rib chiqamiz.

Watchlist: kuzatuv ro'yxati

Watchlist — sizni qiziqtirgan aksiyalar ro'yxati. Kabinetdagi Watchlist bo'limida:

• bir nechta ro'yxat yaratish, nomini o'zgartirish va o'chirish mumkin (masalan, "Uzoq muddat" va "Kuzatuvda");
• aksiya tiker bilan qo'shiladi (masalan AAPL). Skriner yoki movers ro'yxatidagi yulduzcha uni birinchi ro'yxatga qo'shadi;
• har qatorda narx, kunlik va 1 soatlik o'zgarish, savdo hajmi hamda halol status belgisi ko'rinadi. Halol bo'lmagan aksiyani qo'shsangiz, tizim darhol ogohlantiradi;
• kotirovkalar har 6 soniyada yangilanadi, bozor yopiqligida esa qotib turadi;
• "O'sayotgan" / "Tushayotgan" filtri bilan ro'yxatni tez saralash mumkin;
• qatordan to'g'ridan-to'g'ri demo hisobda sotib olish yoki narx alerti qo'yish sahifasiga o'tasiz.

Halol status vaqt o'tib o'zgarishi mumkin — shuning uchun belgi ro'yxatda doim joriy holatda ko'rsatiladi. Nima uchun o'zgarishi haqida: Nega aksiyaning halol statusi o'zgaradi?. Ro'yxatga nomzod topish uchun: Skrinerdan qanday foydalanish va halol aksiyalar ro'yxati.

Watchlist signallarni ham filtrlaydi

Signal sozlamalarida "Faqat watchlist aksiyalarim" ni yoqsangiz, signal faqat ro'yxatingizdagi aksiyalar bo'yicha keladi. Har aksiya uchun alohida strategiya ham tanlash mumkin — qolganlari umumiy sozlamaga ergashadi. Telegram ulangan bo'lsa, har savdo kuni ertalab (08:30 ET) keladigan ertalabki digestda watchlist aksiyalaringizning pre-market harakati ham bo'ladi (kamida ±2% o'zgarganlari). Digestni sozlamalardan o'chirish mumkin.

Narx alerti: "shu narxga yetganda ayt"

Alert — bitta aksiya, bitta maqsad narx va yo'nalish:

• yuqori (above) — narx maqsaddan oshganda yoki unga tenglashganda ishlaydi (masalan, qarshilik yorib o'tildi);
• past (below) — narx maqsaddan tushganda yoki unga tenglashganda ishlaydi (masalan, kirmoqchi bo'lgan darajangiz yoki rejangizdagi stop).

Boshqa turdagi alertlar (foiz o'zgarish, hajm, indikator) hozircha yo'q — faqat narx darajasi.

Qanday qo'yiladi

1. Alertlar bo'limida: tiker, narx va yo'nalishni kiritib "Qo'shish". Watchlist qatoridagi qo'ng'iroq tugmasi bu formani tiker bilan tayyor holda ochadi.
2. To'g'ridan-to'g'ri grafikda: asboblar panelidagi qo'ng'iroqni bosing, so'ng grafikda kerakli narxga bosing. Yo'nalishni tizim o'zi aniqlaydi — bosilgan narx joriy narxdan yuqori bo'lsa "above", past bo'lsa "below". Alert grafikda gorizontal chiziq bo'lib turadi: uni sudrab boshqa narxga ko'chirish yoki o'chirish mumkin.

Alert bir martalik: ishga tushgach "Ishga tushdi" holatiga o'tadi va qayta ishlamaydi. Yana kerak bo'lsa — yangisini qo'ying.

Alert qayerga keladi

Alert ishga tushganda xabar bir necha yo'l bilan keladi:

• Sayt — ochiq bo'lsa, darhol; yon menyuda o'qilmagan alertlar soni chiqadi, "Hammasini o'qilgan" bilan tozalanadi.
• Brauzer bildirishnomasi (push) — brauzerda bildirishnomaga ruxsat bergan bo'lsangiz, sayt yopiq bo'lsa ham.
• Telegram — Telegramingizni ulagan bo'lsangiz, bot shaxsiy xabar yuboradi: aksiya, maqsad narx, alert ishlagan paytdagi narx va aksiya sahifasiga havola. Telegram signal sozlamalarida bir bosishda ulanadi; Telegram kanalini o'chirib qo'ysangiz, alert DM'i ham kelmaydi.

Tunda uxlayotganingizda telefoningizga Telegram xabari kelishi — eng amaliy variant.

Cheklovlar — oldindan bilib qo'ying

• Real vaqt emas, so'rov bilan. Narxlar davriy ravishda tekshiriladi (standart sozlamada taxminan har daqiqada). Ya'ni xabar narx tekkan lahzadan biroz kech kelishi mumkin, tez harakatda esa xabardagi narx maqsaddan sezilarli farq qilishi mumkin.
• Kengaytirilgan seansda ham ishlaydi. Alertlar pre-market (04:00 ET) dan post-market oxirigacha (20:00 ET) tekshiriladi — Toshkent bo'yicha yozgi vaqtda 13:00 dan ertalab 05:00 gacha, qishki vaqtda (2-noyabrdan) 14:00 dan 06:00 gacha. Bozor butunlay yopiq paytda (tun, dam olish, bayram) tekshiruv yo'q.
• Pre-market narxi aldashi mumkin. Seansdan tashqaridagi savdo yupqa, bitta keskin bitim alertni ishga tushirib yuborishi mumkin. Batafsil: Pre-market stoplarning ko'pi nega yolg'on.
• Alert — buyruq emas. U brokeringizda hech narsa sotib olmaydi va sotmaydi. Haqiqiy stop-loss kerak bo'lsa, uni brokerda buyurtma sifatida qo'ying.

Amaliy sxema

1. Halol skriningdan o'tgan 10–20 ta aksiyani watchlist'ga yig'ing.
2. Har biri uchun ikki daraja belgilang: kirishni o'ylab ko'radigan narx (below) va g'oya tasdiqlanadigan narx (above).
3. Telegramni ulang — kechqurun va tunda ekran oldida o'tirish shart bo'lmaydi.
4. Alert kelganda avval grafik va yangiliklarga qarang, keyin qaror qiling. Strategiyani avval demo hisobda sinash foydali.

Signallar qanday o'qilishini bilmoqchi bo'lsangiz: Signal nima va nima emas. Yangiliklar va natijalar — Telegram kanalimizda. Watchlist va alertlardan foydalanish uchun ro'yxatdan o'ting.

Bu maqola ma'lumot uchun, investitsiya tavsiyasi emas.