Dividend taqvimi
Joriy va keyingi haftada ex-dividend sanasi keladigan AQSh aksiyalari — dividend miqdori, yillik daromadlilik, to'lov sanasi va halal holati bilan. Dividend olish uchun aksiya ex-dividend sanasidan OLDIN sotib olingan bo'lishi kerak.
Vaqtlar Toshkent vaqtida (UTC+5). Sanalar — AQSh birjasi kuni. Ma'lumot har 30 daqiqada yangilanadi.
Bu hafta12 Okt — 18 Okt
Payshanba, 15 Okt
| Kompaniya | Dividend | Daromadlilik | To'lov | Davriylik |
|---|---|---|---|---|
| $1.73 | 2.44% | 16 Noy | Choraklik | |
| $0.21 | 1.03% | 05 Noy | Choraklik |
Keyingi hafta19 Okt — 25 Okt
Bu haftada ex-dividend topilmadi.
Halal belgisi — Limitup skriningi (AAOIFI mezonlari). Tikerni bossangiz, aksiyaning ochiq sahifasi ochiladi. Skrining qanday ishlaydi · Halal dividend aksiyalari: daromadlilik va tozalash foizi
To'liq taqvim — dashboard'da
Dashboard'da — istalgan sana oralig'i (92 kungacha), barcha dividend to'lovchilar, shuningdek earnings, iqtisodiy hodisalar, IPO, split va optsion muddatlari taqvimi. Halal portfel ham shu yerda — dividendlardan tozalanadigan summani o'zi hisoblaydi.
Ro'yxatdan o'tish bepul. Hisobingiz bo'lsa, "Dashboard'da ochish" to'g'ridan-to'g'ri taqvimga olib boradi.
Taqvimdan qanday foydalanish kerak
Ex-dividend sanasi nima
Ex-dividend kuni va undan keyin sotib olingan aksiya shu dividendni olmaydi. AQShda hisob-kitob T+1 bo'lgani uchun dividendga ega bo'lish uchun aksiyani ex-dividend sanasidan kamida bir savdo kuni oldin (eng kechi — oldingi kun yopilishigacha) sotib olish kerak.
Narx dividend miqdoriga tushadi
Ex-dividend kuni ochilishda aksiya narxi odatda taxminan dividend miqdoriga pasayadi — bu "bepul pul" emas, egalikning bir qismi naqd ko'rinishga o'tadi. Shuning uchun faqat dividend uchun ex-sanadan oldin kirib, keyin chiqish strategiyasi kutilgandek ishlamaydi.
Halal investor uchun
Halal aksiya ham daromadining kichik qismini foiz yoki nomaqbul faoliyatdan olishi mumkin. Olingan dividendning shu ulushi "tozalanadi" — sadaqa qilinadi. Har bir aksiyaning ochiq sahifasida halal belgisi va nomaqbul daromad ulushi bor; dashboard'dagi halal portfel esa tozalanadigan summani o'zi hisoblaydi.
Ko'p beriladigan savollar
- Dividend olish uchun aksiyani qachongacha sotib olish kerak?
- Ex-dividend sanasidan oldingi savdo kuni yopilishigacha. Ex-dividend kuni yoki undan keyin sotib olsangiz, bu safargi dividend avvalgi egaga tegadi.
- Ex-dividend, record va to'lov sanalari farqi nima?
- Record date — kompaniya egalar ro'yxatini qayd etadigan kun; T+1 hisob-kitobda u odatda ex-dividend sanasi bilan bir kun. To'lov sanasi — pul hisobingizga tushadigan kun, odatda ex-sanadan bir necha hafta keyin.
- Daromadlilik (yield) qanday hisoblanadi?
- Yillik dividendlar yig'indisi joriy aksiya narxiga bo'linadi. Masalan, choragiga $0.50 to'laydigan $100 lik aksiyaning yillik daromadliligi 2%. Juda yuqori yield ko'pincha narx keskin tushganini yoki dividend qisqarishi xavfini bildiradi.
- O'zbekistondan AQSh dividendiga soliq qancha?
- AQSh norezidentlar dividendidan manbada soliq ushlaydi; stavka W-8BEN shakli va ikki davlat o'rtasidagi soliq shartnomasiga bog'liq. Aniq stavkani brokeringizdan so'rang — Limitup soliq maslahati bermaydi.