74 ta savdo skilli ichidan bizga yoqqan 10 tasi

claude-trading-skills repoda 74 ta skill bor. Birinchi ochganingizda boshingiz aylanadi. Biz ham ro'yxatga qarab, "qayerdan boshlash kerak?" deb o'yladik, keyin hammasini guruhlab chiqdik.

Muallif o'zi yozgan gap bizga yoqdi: maqsad qarorni AI'ga topshirish emas, bozorni ko'rib chiqish, xavfni boshqarish va xatodan o'rganish jarayonini tartibga solish. Loyihani uzoq muddatli investor, ETF va dividend bilan shug'ullanadigan, vaqti kam odamlar uchun yozgan.

Odatdagidek aytib o'tamiz: nomlari va tavsiflarini o'qidik, skill'larni ishga tushirmadik.

Ko'rib turganingizdek, "qidirish" va "bozorni o'qish" ko'p, risk va jurnal esa oz. Lekin bizningcha, oddiy odam aynan keyingilaridan ko'proq foyda oladi. Tanlovimiz ham shunga qarab bo'ldi.

Bozorga qarash uchun

1. market-breadth-analyzer. Bozor kengligini 0 dan 100 gacha baholaydi: indeks o'sayaptimi yoki aslida ko'p aksiya ko'tarilyaptimi? API kalit kerak emas.
2. sector-analyst. Sektorlar orasidagi aylanishni va bozor siklini tahlil qiladi. Bu ham kalitsiz ishlaydi.
3. earnings-calendar. Yaqin hisobotlarni ko'rsatadi. Buning uchun FMP kaliti kerak. Bizda ham hisobotlar taqvimi haqida maqola bor.

Aksiyani tekshirish uchun

1. us-stock-analysis. Kompaniyani har tomonlama ko'rib chiqadi: raqamlar, biznes sifati, baho, grafik.
2. value-dividend-screener. Dividend aksiyalarini aniq chegaralar bilan qidiradi: P/E 20 dan past, P/B 2 dan past, daromadlilik kamida 3%. Bu halollik filtri emas, natijani alohida tekshiring.

Pulni himoya qilish uchun

Bizningcha, eng qimmatli qism shu:

1. position-sizer. Bir savdoda qancha aksiya olishni xavfga qarab hisoblaydi.
2. pre-trade-discipline-gate. Savdodan oldingi nazorat ro'yxati. Rejasiz, juda katta yoki "qasos" uchun qilingan savdoni to'xtatadi. Yo'qotishdan keyin darhol qaytarib olmoqchi bo'lgan har kim buni tushunadi.
3. drawdown-circuit-breaker. Ketma-ket zararlar va haftalik yoki oylik yo'qotish chegarasiga qarab, bugun yangi xavf olish mumkinmi, shuni aytadi.
4. portfolio-manager. Portfel taqsimoti va xavfini tahlil qiladi. Alpaca ulanishi kerak.

O'rganish uchun

1. trader-memory-core. G'oyani birinchi fikrdan yopilgan pozitsiyagacha kuzatadi va oxirida tahlil tayyorlaydi. Nima uchun olganingizni keyin yolg'ondan eslab qolmaysiz. Bu odat haqida savdo jurnali maqolamiz bor.

Qaysilarini ataylab olmadik

Olti skillni nomidan ko'rinib turgan sababga ko'ra qoldirdik: optsion strategiyalari, fyuchers hajmi, kripto rejimi, juft savdo, short rejalash va MetaTrader robotlari. Bular yo bizning yo'nalishimizda emas, yo short va shunga o'xshash amallarga tayanadi, ularni esa ko'plab ulamolar joiz ko'rmaydi. Shuning uchun targ'ib qilmaymiz.

Qayerdan boshlash mumkin

README'da pullik ma'lumot kalitisiz boshlaydigan 5 skilli yo'l ko'rsatilgan, u ochiq CSV va o'zingizning fayllaringiz bilan ishlaydi. Boshlovchiga shu yetarli. Hammasini birdan o'rnatishning hojati yo'q, 74 ta vositadan foydalanadigan odamni biz ham uchratmaganmiz.

Ma'lumot uchun, investitsiya tavsiyasi emas. Loyiha uchinchi tomonniki, biz unga aloqador emasmiz.