Sentabr 2026: halol ro'yxatdan chiqqan va qo'shilgan aksiyalar

Bu — oylik seriyamizning birinchi soni: har oy halol ro'yxatda nima o'zgargani va nima uchun. Raqamlar skrinerimizning hodisalar jurnalidan olingan (2026-yil 1–30-sentabr, holat 2-oktabr kuni).

Statusning o'zi nima sababdan o'zgarishi haqida umumiy tushuntirish: Nega aksiyaning halol statusi o'zgaradi?

Qisqacha raqamlar

Oy boshidagi va oy oxiridagi holatni solishtirganda (oy ichida borib-qaytganlar sanalmagan):

132 ta aksiya halol ro'yxatdan chiqdi: 118 tasi "harom"ga (moliyaviy nisbat yoki faoliyat), 11 tasi "shubhali"ga, 3 tasi qo'lda qayta ko'rikka o'tdi;
105 ta aksiya halol ro'yxatga qo'shildi: 92 tasi avval "harom" edi, 8 tasi "shubhali", 5 tasi "aniqlanmagan";
universumga 50 ta yangi tiker qo'shildi (yangi listinglar).

2-oktabr holatiga ko'ra universumda 1 409 ta halol, 418 ta shubhali, 104 ta aniqlanmagan va 3 596 ta rad etilgan aksiya bor. Jonli statistika: metodologiya.

Chiqqanlar: qarz va naqd pul chegarasi

Halol ro'yxatdan chiqqanlarning aksariyati bitta sababga ega — moliyaviy nisbatlardan biri chegaradan oshgan. Ko'zga ko'rinarli misollar:

Qarz nisbati 30% dan oshdi:

Diamondback Energy (FANG) — 31,5%
APi Group (APG) — 30,7%
JBT Marel (JBTM) — 32,5%
James Hardie (JHX) — 32,7%
Ternium (TX) — 40,8% (foizli aktivlar ham 36,5%)
CECO Environmental (CECO) — 50,4%
QXO (QXO) — 90,7% (foizli aktivlar ham 35,7%)

Naqd pul va foizli aktivlar 30% dan oshdi:

E'tibor bering: bir nechtasi chegaradan atigi 0,5–3 punkt oshgan. Bunday aksiyalar keyingi choraklarda ro'yxatga qaytishi ham mumkin — nisbat hisobot va o'rtacha kapitalizatsiyaga qarab har ikki tomonga siljiydi.

Chegaraga yaqin turgan aksiya — "har chorak qayta tekshiring" degani. Halol ro'yxatdagi aksiyangizning nisbati 25–29% bo'lsa, uni kuzatib boring.

Qo'shilganlar — va bitta muhim tuzatish

Qo'shilganlarning bir qismi oddiy holat: kompaniya nisbatlari chegaradan pastga tushdi. Masalan, BridgeBio Pharma (BBIO) va Viavi Solutions (VIAV) oy boshida ro'yxatga kirdi.

Lekin 27–30-sentabrdagi katta to'lqin boshqa sababdan. Biz xorijiy kompaniyalar (ADR) hisobidagi xatoni tuzatdik: ularning balansi o'z valyutasida (yen, Tayvan dollari, real…) beriladi, kapitalizatsiya esa dollarda. Ilgari ikkisi to'g'ri solishtirilmagan va bir qator xorijiy kompaniyalar asossiz rad etilgan edi. Tuzatishdan keyin ular qayta skriningdan o'tdi va ko'plari halol chiqdi — jumladan:

Bular kompaniyaning o'zida emas, bizning hisobimizda bo'lgan o'zgarish. Biz buni ochiq yozamiz: xato topilsa, tuzatiladi va qayta skrining hammaga ko'rinadi. Xorijiy aksiyalar bo'yicha tekshiruv oktabr boshida ham davom etdi, shuning uchun ular holatini aksiya sahifasida qayta ko'rib chiqing.

Bu oydan xulosa

Ro'yxat har oy o'nlab aksiyaga o'zgaradi — bu normal holat, xato emas.
Chegaraga yaqin aksiyalar eng tez "chiqib-kiradi".
Portfelingizdagi har bir aksiyaning joriy holatini halol aksiyalar ro'yxatidan tekshirib turing.

Keyingi son — noyabr boshida, oktabr o'zgarishlari bilan.

Bu maqola ma'lumot uchun va fatvo emas. Yakuniy diniy qaror uchun o'z olimingizga murojaat qiling. Investitsiya tavsiyasi ham emas.

Maqolada tilga olingan aksiyalar